நீண்ட இடைவேளைக்கு பின்னர் அதிரடியான படத்தை பார்த்த உற்சாகத்தில் இந்தி திரைப்பட ரசிகர்கள் ஜவானை கொண்டாடி வருகின்றனர்…
இயக்குனர் அட்லி மீது நடிகை நயன்தாரா கடும் அதிருப்தியில் இருப்பதாக தகவல்கள் வெளிவந்துள்ளன. ஜவான் பட ஆடியோ வெளியீட்டு விழா, வெற்றி விழா எதிலுமே நயன்தாரா பங்கேற்கவில்லை. இதன் பின்னணி காரணம் குறித்து சமூக வலைதளங்களில் ஒரு தகவல் பரவி உள்ளது.
தமிழ் சினிமாவில் முன்னணி நட்சத்திரமாக இருக்கும் நயன்தாரா இந்தி சினிமாவில் ஜவான் திரைப்படத்தின் மூலம் அறிமுகமாகியுள்ளார். இந்த படத்தில் ஷாருக்கான், தீபிகா படுகோனே, விஜய் சேதுபதி, சஞ்சய் தத் உள்ளிட்டோர் நடித்துள்ளனர். ஜவான் படத்தில் விஜய் கேமியோ ரோல் பண்ணியதாக முன்பு தகவல்கள் வெளிவந்தன. இருப்பினும் விஜய் இந்த படத்தில் இடம்பெறவில்லை.
தற்போது ஜவான் திரைப்படம் ரூ. 900 கோடி வசூலை தாண்டி ரூ. 1000 கோடியை நெருங்கிக் கொண்டிருக்கிறது. நீண்ட இடைவேளைக்கு பின்னர் அதிரடியான படத்தை பார்த்த உற்சாகத்தில் இந்தி திரைப்பட ரசிகர்கள் ஜவானை கொண்டாடி வருகின்றனர். இன்னும் சில நாட்களில் ஜவான் திரைப்படம் ரூ. 1000 கோடி வசூலை எட்டிவிடும் என்று எதிர்பார்க்கப்படுகிறது. இந்நிலையில் ஜவான் படத்தில் நயன்தாரா தொடர்பான பல காட்சிகளை இயக்குனர் அட்லி எடிட்டிங்கின்போது நீக்கிவிட்டதாக தகவல்கள் பரவியுள்ளன.
