கூட்டணியில் பாஜக இல்லை என அதிமுக மாவட்டச் செயலாளர்கள் கூட்டத்தில் தீர்மானம் நிறைவேற்றப்பட வாய்ப்பு. புதிய கட்சிகளை இணைத்து கூட்டணி உருவாக்கவும் அதிமுக திட்டம்…
மறைந்த முன்னாள் முதலமைச்சர் பேரறிஞர் அண்ணா குறித்த அண்ணாமலையின் கருத்து அதிமுகவில் புயலை கிளப்பியதால், அதிமுக கூட்டணியில் பாஜக இல்லை என அறிவித்தார் முன்னாள் அமைச்சர் ஜெயக்குமார். ஆனால், அதிமுகவுடன் எந்த பிரச்னையும் இல்லை என்ற அண்ணாமலை, எடப்பாடி பழனிசாமியை முதலமைச்சராக்க தாம் வரவில்லை எனவும் கருத்து தெரிவித்தார்.
இதன் தொடர்ச்சியாக அதிமுக மூத்த தலைவர்கள் கே.பி.முனுசாமி, நத்தம் விஸ்வநாதன் உள்ளிட்டோர், டெல்லியில் பாஜக தலைவர் நட்டாவை சந்தித்து அண்ணாமலை மீது புகாரளித்ததாக கூறப்படுகிறது. இந்நிலையில், அதிமுக மாவட்ட செயலாளர்கள் மற்றும் எம்.பி., எம்.எல்.ஏக்கள் கூட்டத்துக்கு அக்கட்சி அவசர அழைப்பு விடுத்துள்ளது. அக்கட்சியின் பொதுச்செயலாளர் எடப்பாடி பழனிசாமி தலைமையில் இன்று மாலை சென்னையில் கூட்டம் நடைபெற உள்ளது.
