தேசிய ஜனநாயகக் கூட்டணியில் இருந்து அமமுக விலகுவதாக டிடிவி தினகரன் அறிவிப்பு

பாஜகவின் தேசிய ஜனநாயகக் கூட்டணியில் இருந்து வெளியேறுவதாக அம்மா மக்கள் முன்னேற்றக் கழகக் கட்சியின் பொதுச்செயலாளர் டிடிவி தினகரன் அறிவித்துள்ளார்.
காட்டுமன்னார் கோவிலில் பேட்டியளித்த அமமுக பொதுச் செயலாளர் டிடிவி தினகரன், பாஜக கூட்டணியில் இருந்து அமமுக விலகியதாகக் கூறினார். தேசிய ஜனநாயகக் கூட்டணியில் அமமுக அங்கம் வகிக்கவில்லை என்றும் அவர் அறிவித்தார். மேலும் என்டிஏ கூட்டணியில் துரோகம் தலைவிரித்து ஆடுவதாகவும் டிடிவி தினகரன் தெரிவித்துள்ளார். பாஜக கூட்டணியில் ஓபிஎஸ் ஏற்கனவே வெளியேறிய நிலையில் தற்போது டிடிவி தினகரனும் வெளியேறி இருக்கிறார்.