விழுப்புரம் அரசு மருத்துவ கல்லூரியில் குழந்தைகளுக்கு 35 படுக்கை வசதி கொண்ட தனி வார்டும், பெரியவர்களுக்கு 45 படுக்கை வசதிக்கொண்ட தனி வார்டும் அமைக்கப்பட்டுள்ளது…
தமிழ்நாடு மற்றும் புதுச்சேரியில் டெங்கு பாதிப்பு அதிகரித்து வரும் சூழலில், அதனை கட்டுப்படுத்த நடவடிக்கைகளை துரிதப்படுத்தப்பட்டு வருகின்றன.
தமிழ்நாடு முழுவதும் அண்மையில் பெய்த மழையால் கொசுக்கள் உற்பத்தி அதிகரித்துள்ளது. இதனால் பல மாவட்டங்களில் டெங்கு காய்ச்சல் பாதிப்பு உயர்ந்து வருகிறது. தலைநகர் சென்னையில் உள்ள மதுரவாயலில் 4 வயது சிறுவன் டெங்குவால் உயிரிழந்த நிலையில் தமிழ்நாடு முழுவதும் டெங்கு தடுப்பு முன்னெச்சரிக்கை நடவடிக்கைகள் முடுக்கி விடப்பட்டுள்ளன.திருவாரூர் மாவட்டத்தில் 11 வயது சிறுமி உட்பட நான்கு பேருக்கு டெங்கு காய்ச்சலுக்கான அறிகுறி காணப்பட்டுள்ளது.
அவர்கள் அரசு மருத்துவக்கல்லூரி மருத்துவமனையில் சிகிச்சை பெற்று வருகின்றனர். டெங்கு காய்ச்சலை கட்டுப்படுத்தும் வகையில் தனி வார்டு அமைக்கப்பட்டு , 24 மணி நேரமும் சுழற்சி முறையில் மருத்துவர்கள் கண்காணித்து வருகின்றனர்.
